Навигация
Адрес
212003, г. Могилёв
ул.Менжинского, д.14
email : sosh_11@tut.by
Телефон горячей линии
+375 222 745004
Актуально














































Опрос
По-вашему мнению на уроке главное:

 
Полезно знать

Праздники Беларуси

Паважаныя бацькі!
Упраўленне па адукацыі Магілёўскага гарвыканкама даводзіць да ведама, што ў 2020/2021 навучальным годзе будзе ісці набор у першыя класы з беларускай мовай навучання на базе дзяржаўных устаноў адукацыі “Сярэдняя школа № 1 г. Магілёва” (вул. Першамайская, 24), “Сярэдняя школа № 34 г. Магілёва” (вул. Габраўская, 16).

Акрамя таго, працягнуць працаваць III і V класы з беларускай мовай навучання на базе дзяржаўнай установы адукацыі “Сярэдняя школа № 34 г. Магілёва”, II і IV класы з беларускай мовай навучання на базе дзяржаўнай установы адукацыі “Сярэдняя школа № 1 г. Магілёва”.

Па пытаннях навучання дзяцей у гэтых класах звяртацца па тэл.: 24 95 75, 24 18 64, 24 43 66 (сярэдняя школа № 1 г. Магілёва); 24 52 29, 24 50 15, 24 52 48 (сярэдняя школа № 34 г. Магілёва).

Запрашаем усіх жадаючых у беларускамоўныя класы.
Памяць сэрца
Музей нашай школы стаў своеасаблівай пляцоўкай для правядзення ўрачыстых мерапрыемстваў, урокаў памяці , літаратурна-музычных кампазіцый, прысвечаных падзеям Вялікай Айчыннай вайны. Такія мерапрыемствы спрыяюць фарміраванню патрыятычнай свядомасці, выхоўваюць павагу да гераічнага мінулага, развіваюць навыкі вуснага маўлення і выразнага чытання вучняў. Знаёмства з творамі славутых беларускіх паэтаў і пісьменнікаў, біяграфічнымі звесткамі аўтараў расшырае кругагляд навучэнцаў.

Мерапрыемствы, прысвечаныя

100-годдзю з дня нараджэння  беларускага пісьменніка А.Пысіна

 

Дата, время, место поведения

Название мероприятия, форма проведения

Возрастная категория участников мероприятия

(указать класс)

Ответственный (Ф.И.О. полностью, должность)

17.03.2020,

кабінет беларускай мовы і літаратуры

Літаратурная гасцеўня “Духоўны свет паэзіі А.Пысіна”

7 клас

Заморына Г.І., настаўнік беларускай мовы і літаратуры

18.03.2020,

кабінет беларускай мовы і літаратуры

Вусны часопіс “Жыцце даецца, каб жыццё пражыць”

8 клас

Двужыльная А.В., настаўнік беларускай мовы і літаратуры

20.03.2020,

актавая зала

Літаратурная віктарына, прысвечаная жыццю і творчасці  А.Пысіна “На паэтычнай хвалі”

7-8 класы

Двужыльная А.В., Заморына Г.І., настаўнікі беларускай мовы і літаратуры

 

 

Самыя цікавыя мясціны Беларусі
Самыя цікавыя мясціны Беларусі - таямнічыя замкі і радавыя сядзібы, цудоўныя храмы і манастары, унікальныя куткі некранутай прыроды, старадаўнія інжынерныя збудаванні, цікавыя музеі і этнаграфічныя вёскі, родныя мясціны знакамітых мастакоў, пісьменнікаў і вучрных...

Вучні 4”А” класа даведаліся пра галоўныя славутасці і выдатныя мясціны ўсіх рэгіёнаў Беларусі, пазнаёміліся з цікавымі фактамі і лічбамі, вывучылі інтрыгуючую гісторыю і склалі ўласны маршрут падарожжа па гасціннай краіне ў цэнтры Еўропы. Пазнаёміліся з 5 гарадамі Беларусі з тысячагадовай гісторыяй (Полацк 862 г., Віцебск 974 г., Турау 980 г., Заслаўе 985 г., Ваўкавыск 1005 г.,).
ЗАВОЧНАЕ  ПАДАРОЖЖА-ГУЛЬНЯ  ПА НАШАЙ КРАІНЕ
25 красавіка вучні 3 «А» класа адправіліся ў завочнае падарожжа-гульню па нашай краіне. У ходзе інтэлектуальнай гульні вучні падрабязней пазнаёміліся з адным з сімвалаў Беларусі – буслом. Перадаючы цацку бусліка, кожны павінен быў выказаць свае адносіны да роднага краю, пачынаючы са слоў: “Мая краіна...”

Дзеці з захапленнем выконвалі конкурсныя заданні: знаходзілі зашыфраваныя словы, злучалі часткі прыказак і прымавак, называлі беларускія рэкі і азёры. Закончылася мерапрыемства выставай малюнкаў аб роднай зямлі.

Бібліятэчная гадзіна
У красавіку 2019 года ў рамках Міжнароднага дня дзіцячай кнігі ў 1 “Б” класе праведзена бібліятэчная гадзіна, прысвечаная кнігам-юбілярам.
У бібліятэцы школы вучні праз кніжную выставу пазнаёміліся з кнігамі- юбілярамі, адказвалі на пытанні, слухалі вершы. Далей у класе вучні расказвалі пра свае любімыя кнігі, чыталі ўрыўкі казак, складалі загадкі і адказвалі на пытанні. Новікава Улада прачытала аўтарскі верш пра любімую Беларусь.
Беларускай паэзіі волаты
14.03.2019 у актавай зале нашай школы адбылася літаратурна-музычная кампазіцыя «Беларускай паэзіі волаты», прысвечаная сусветнаму дню паэзіі. На мерапрыемстве прысутнічалі вучні старэйшых класаў.

Літаратурна-музычная кампазіцыя прысвячалася майстрам паэтычнага слова нашай роднай Беларусі — Янку Купалу і Якубу Коласу. Вучні мелі магчымасцць адчуць чысціню, мілагучнасць і непаўторнасць паэзіі іх, якой ужо больш за стагоддзе захапляюцца людзі. Мелодыя вершаў гэтых паэтаў заўжды прыцягвала ўвагу беларускіх кампазітараў. У іх песнях вершы набылі новае жыццё і разляцеліся далёка за межы Беларусі.
Прачытай, каб я цябе ўбачыў
З нагоды Міжнароднага дня роднай мовы у школе прайшоў шэраг мерапрыемстваў. Раніцай у фае адбылася акцыя “Не маўчы па-беларуску”, падчас якой старшакласнікі дарылі арыгінальныя паштоўкі са слоўнічкамі. Інфармацыйная прастора школы таксама адпавядала святу. Вучні 8-ых класаў прынялі ўдзел у віктарыне “Беларус, роднай мовы сваёй не цурайся!”. Школьнікі з вялікім задавальненнем чыталі вершы на роднай мове, удзельнічаючы ў конкурсе выразнага чытання” Гучы, паэзія!”. У бібліятэцы была наладжана выстава твораў беларускіх паэтаў і пісьменнікаў “Чытаем па-беларуску”.

Самым цікавым і запамінальным стала мерапрыемства, арганізаванае і праведзенае ў бібліятэцы І.П.Шамякіна, дзе адбыўся міжнародны відэамост “Магілёў – Санкт-Пецярбург”, у якім прымалі ўдзел нашы вучні, супрацоўнікі і студэнты вышэйшых навучальных устаноў абодвух гарадоў.
 Літаратурная гадзіна “Чароўная кветка беларускай паэзіі”
У рамках беларускамоўнага чацвярга для вучняў 9-11 класаў школы супрацоўнікі бібліятэкі імя І.П.Шамякіна сумесна з настаўнікамі беларускай мовы і літаратуры арганізавалі і правялі літаратурную гадзіну “Чароўная кветка беларускай паэзіі”, прысвечаную жыццю і творчасці Я. Янішчыц. У рамках мерапрыемства была прапанавана электронная прэзентацыя па біяграфіі і творчасці паэтэсы. Падрыхтаваныя вучні чыталі любімыя вершы Я.Янішчыц. Асаблівую цікавасць выклікала ў навучэнцаў віртуальнае знаёмства з музеем Я. Янішчыц. Зацікавіла віктарына , у якой яны паўдзельнічалі.
Без Ягора будзе гора
У рамках папулярызацыі і пашырэння сферы выкарыстання беларускай мовы вучні старэйшых класаў нашай школы разам з настаўнікамі наведалі Магілёўскі абласны драматычны тэатр. Увазе гледачоў быў прадстаўлены спектакль “Без Ягора будзе гора” па п’есе беларускага драматурга Васіля Ткачова.

У вясёлай і трошку сумнай сапраўды народнай камедыі з песнямі і танцамі закранаецца заўсёды хвалюючая тэма бацькоў і дзяцей, старэйшага пакалення і моладзі, адносін да сваёй малой радзімы. Успектаклі заняты лепшыя акцёры тэатра: народны артыст Беларусі Рыгор Белацаркоўскі, вядучыя майстры сцэны Галіна Ушачова і Галіна Лабанюк, а таксама маладыя акцёры.
Палескай зямлі волат
У рамках беларускамоўнага чацвярга 24.01.2019 на базе школы настаўнікамі беларускай мовы і літаратуры сумесна з супрацоўнікамі бібліятэкі імя І.Шамякіна быў арганізаваны і праведзены інтэграваны ўрок “Палескай зямлі волат”, прысвечаны жыццю і творчасці І. П.Мележа. Вучні старэйшых класаў, якія сталі ўдзельнікамі мерапрыемства, прагледзілі дакументальную стужку “Гэта мы” пра жыццё і творчасць пісьменніка. Адбылося віртуальнае знаёмства з музеем І. Мележа.

Увазе школьнікаў былі прапанаваны фрагменты з мастацкіх фільмаў, знятых па творах знакамітага пісьменніка.

17 студзеня  ў 3 “А” класе прайшла пазнавальна-інтэлектуальная гульня “Ведай роднае слова!”, якая дапамагла хлопчыкам і дзяўчынкам пашырыць і актывізаваць слоўнікавы запас па беларускай мове.

Вучні прадэманстравалі свае веды,намагаючыся ў сваім маўленні выкарыстоўваць толькі беларускія словы.Навучэнцы ўдзельнічалі ў конкурсах “Перакладчык”, “Збяры прыказку”, “Крыжаванка”, “Адгадай казку”. Дзеці з ахвотай і задавальненнем прымалі ўдзел у мерапрыемстве.

Легенды пра паходжанне назваў гарадоў
На нашай зямлі не знойдзецца амаль ніводнай геаграфічнай назвы, якая б узнікла выпадкова. Часцей за ўсё гэта звязана з гістарычным мінулым чалавека. Ці не таму так часта, высветліўшы да пэўнага часу незразумелыя нам назвы геаграфічных аб’ектаў, мы лепш пачынаем разумець іх мінулае, асаблівасці жыццядзейнасці людзей, іх звычаі і норавы?

13 снежня ў 4 “А” класе прайшла гадзіна цікавага паведамлення “Легенды пра паходжанне назваў гарадоў”. З захапленнем і цікавасцю вучні ўспрымалі звесткі з народных паданняў, легендаў і даследаванняў вучоных аб паходжанні назваў некаторых беларускіх гарадоў. Рабят зацікавіла гістарычнае мінулае беларускай зямлі. Вучні былі ўражаны тым, што ў назвах сучасных гарадоў шмат чароўнага і таямнічага.
Давайце чытаць разам!
Чарговы беларускамоўны чацвер 6 снежня прайшоў пад дэвізам "Давайце чытаць разам!"

Падчас мерапрыемства навучэнцы 3-4-х класаў сумесна з бібліятэкарам школы чыталі на беларускай мове чароўную казку "Каралевіч, чараўнік і ягоная дачка".

У заключэнні мерапрыемства вучням прапанавалі намаляваць малюнак да ўпадабанага эпізоду казкі.